|
|
Árnesingakórinn
í Reykjavík var stofnaður 14. febrúar
1967. Kórinn hefur ferðast víða í
áranna rás, meðal annars til Norðurlandanna
og ýmissa annarra Evrópulanda. Auk þess hefur
hann haldið fjölda tónleika víða um
land og tekið þátt í kórastefnum.
Fyrsti
stjórnandi Árnesingakórsins í Reykjavík
var Þuríður Pálsdóttir. Haustiđ
2001 tók Gunnar Ben viđ stjórn kórsins. Undir stjórn
hans hefur kórinn leyst af hendi ýmis krefjandi
verkefni. Má þar nefna þátttöku
í Choir Olympics, einni stærstu kórakeppni
heims, í Bremen árið 2004 þar sem hann
fékk silfurviðurkenningu í sínum flokki.
Árnesingakórinn í Reykjavík hefur
áður gefið út tvo geisladiska og tvær
hljómplötur. Í tilefni af 40 ára afmæli
kórsins í febrúar 2007gaf kórinn út
sinn þriðja geisladisk. Efnið á þeim
geisladiski er fjölbreytt, sumt frumsamið og/eða
tónsett af stjórnendum kórsins fyrr og nú
en einnig má finna gamlar og nýjar perlur af söngskrá
kórsins gegnum árin.
|
|
