|
1991-1995
Þann 20. apríl 1991
brugðu kórfélagar sér upp í
Hlégarð með kaffibrauð og tóku þar
á móti félögum úr Rökkurkórnum
í Skagafirði sem var á tónleikaferðalagi
um Suðurland. Þann 12. maí 1991 var kórnum
boðið í heimsókn suður á Keflavíkurflugvöll
í boði Annie B. Andrews en hún hafði sungið
einsöng með kórnum um veturinn. Þetta
var fjölskylduferð því börn og makar
voru með í för. Farið var í tveimur
rútum. Ekið var um svæðið og björgunarþyrla
skoðuð. Síðan var öllum boðið
í mat og lauk þessari heimsókn með tónleikum
þar sem Annie söng einsöng með kórnum.
Vorferð kórsins var
6.-10. júní og var að þessu sinni farið
norður í land. Sungið var í Miðgarði,
Dalvíkurkirkju og Ýdölum
Vetrarstarfið hófst
með kveðjutónleikum Annie B. Andrews í
Keflavík 27. október þar sem hún
söng með kórnum. Þann 30 nóvember
var kórinn með bás í Kolaportinu og
var hagnaðurinn settur í ferðasjóð,
en hafist var handa að undirbúningi utanlandsferðar
sumarið á undan.
Kórinn varð 25 ára
14. febrúar 1992 og voru afmælistónleikarnir
haldnir í Langholtskirkju 9. maí. Í tilefni
25 ára afmælisins eignaðist kórinn sitt
eigið merki sem var hannað af Grétu Hjartardóttur
sem var félagi í kórnum.
Sungið var í Skálholtskirkju
21. maí og var það liður í undirbúningi
fyrir væntanlega utanlandsferð. Farið var til
Þýskalands, Austurríkis og Tékkóslóvakíu
(nú Tékkland) 3.-16. júní.
Vetrarstarf kórsins 1992-1993
fór rólega af stað en 23. janúar kom
kórinn fram á þorrablóti hjá
Skagfirsku Söngsveitinni. Vorið var tekið upp lagið
Elskunnar land eftir Pálmar Þ. Eyjólfsson
og er á plötunni Sólnætur.
Ekki var farið í skipulagt
ferðalag þetta sumarið en Dísa og Bragi
buðu kórnum í fjölskylduútilegu
í og við sumarbústað þeirra að
Syðra-Langholti þann 10. júlí.
Vantar einhverjar upplýsingar
Farið var í vorferðalag
13.-15. maí 1994 og ekið sem leið lá að
Hofi í Öræfum.þar sem var gist. Þaðan
var farið að Jökulsárslóninu á
Skeiðarársandi og siglt á lóninu. Þá
var haldið áfram að Höfn í Hornafirði
þar sem voru tónleikar og ball um kvöldið.
Upptökur á nýjum
geisladisk Sönglistinni fór fram vorið 1995.
Haustið 1995
var diskurinn Sönglistin
gefin út. Á disknum voru einnig lög af hljómplötunni
Glerbrot.
|
